Уникатен момент: Халанд полуде со навивач на Борусија пред „жолтиот ѕид“ (Видео)

Ерлинг Халанд ја залечи повредата и денеска се најде во стартната постава на Борусија Дортмунд, тим кој на домашен терен оствари сигурна победа благодарение на норвешкиот голгетер.

Халанд постигна два гола во победата од 3:1 и стигна до неверојатна статистика во Бундеслигата, која беше споделена и од страна на официјалниот профил на најсилното фудбалско првенство на Германија.

Со денешните два погодоци, Ерлинг стигна до 49-от гол на 49 одиграни натпревари во домашното првенство во Германија, што звучи навистина нестварно и само докажува каква гол машина е напаѓачот на Борусија.

Денеска на „Сигнал Идуна парк“ имаше рекордна публика од почетокот на корона-кризата и 64 илјади навивачи беа присутни на трибините, а еден од „жолтиот ѕид“ успеа да се симне на теренот и приреди вистински спектакл со Халанд.

Ерлинг најпрво се фотографираше со него, а потоа заедно скокаа од радост пред „жолтиот ѕид“ на легендарниот „Вестфален“.

#BVB – Incredible scenes in front of 64,000 fans in Dortmund after #BVBM05: @ErlingHaaland scores two goals and makes a Borussia fan (who invaded the pitch) very, very happy! @BVB @SPORT1 pic.twitter.com/WDGdrvE5wC

— Patrick Berger (@berger_pj) October 16, 2021

4️⃣9️⃣ #Bundesliga games.

4️⃣9️⃣ #Bundesliga goals.

🤯🤯🤯 pic.twitter.com/QAYhp0LuQ9

— Bundesliga English (@Bundesliga_EN) October 16, 2021