УЕФА им овозможи на фановите да бираат: Ремек-делото на Барди во потесен круг за гол на колото (Видео)

Македонската фудбалска репрезентација го заврши со победа јунскиот циклус во Лигата на нации, триумф кој беше изразен со добра игра и убедлив резултат.

Македонија славеше со 4:0 над Гибралтар и ја запиша втората победа во групата, а откако вчера беа комплетирани сите натпревари во четвртото коло во Лигата на нации, УЕФА денеска излезе со објава на најубавите голови.

УЕФА им овозможи на фановите да гласаат за најубавиот гол во 4-та рунда, меѓу кои е и оној на Енис Барди постигнат на националната арена „Тодор Проески“.

Фудбалерот на Леванте изведе ремек-дело од слободен удар и не му даде никаква шанса на голманот на Гибралтар, мајсторија која влезе во потесен круг за гол на колото.

Сите фанови можат да гласаат за голот на Македонецот, чија конкуренција е сочинета од Ноа Ланг од Холандија, Махир Емрели од Азербејџан и Данил Газдаг од Унгарија.

Who scored the Goal of the Round on Matchday 4? ⚽️

🇲🇰 Enis Bardi
🇦🇿 Mahir Emreli
🇳🇱 Noa Lang
🇭🇺 Daniel Gazdag#UNLGOTR | @AlipayPlus | #NationsLeague

— UEFA Nations League (@EURO2024) June 15, 2022