Турската Федерација се огласи со официјално соопштение за спорната снимка меѓу Монтела и Арда (Видео)

Арда Гулер избрилјира на првиот меч на Европското првенство и постигна гол кој ќе биде кандидат за најубав на турнирот во Германија, но во второто коло доби шанса само во завршницата од мечот со Португалија.

Оваа одлука на Винченцо Монтела предизвика големо внимание и италијанскиот тренер е мета на големи критики во Турција, особено и поради видеото кое стана вирално на социјалните мрежи, а кое датира од последните подготовки за Португалија.

На истото се гледа дека Винченцо не му дозволил на Арда да тренира со соиграчите и го испратил да има индивидуални вежби, но поради тоа што турските фанови кренаа голема прашина на оваа тема, Фудбалската Федерација реши да испрати официјално соопштение за да ги разреши дилемите.

– Се појави снимна од тренингот на нашата репрезентација и истото предизвика многу коментари на социјалните мрежи. Пред тренингот постоеше договор меѓу стручниот штаб и Арда Гулер дека треба да тренира одвоено од тимот поради болка во препоните.

– Тренингот кој се гледа на снимката не беше испланиран за Арда и нашиот репрезентативец беше пренасочен да има индивидуален тренинг поради претпазливост. Луѓето кои ја сакаат Турција и луѓето чии срца чукаат за националниот тим, не смеат да паѓаат на вакви провокации, – гласи објавата на ТФФ.

I'm hearing Turkey coach took Arda's jersey and sent him to train alone before Czechia game. It's unacceptable if it's true. pic.twitter.com/j4ZjJeXbGI

— Dr Yash  (@YashRMFC) June 23, 2024

Kamuoyuna Duyuru pic.twitter.com/lTdxQnc3uq

— TFF (@TFF_Org) June 23, 2024