Турчинот Мелер ги разбесни сите во Аталанта: Покажа голема ароганција (Видео)

Аталанта претрпе пораз на првиот натпревар во плејофот во Лигата на шампиони, па јасно е дека сега ќе брка негатива на домашен терен во Бергамо за седум дена (2:1).

Во натпревар кој се чинеше дека ќе заврши 1:1, Клуб Бриж доби пенал во судиското продолжение, а ситуацијата за која беше досудена најстрога казна едноставно ги разлути сите во гостинскиот табор.

Џан Пјеро Гасперини не можеше да поверува што гледа и жестоко протестираше на одлуката која ја носи турскиот судија Умут Мелер, но незадоволството се пренесе и по крајот на натпреварот, односно во микс-зоната.

Гасперини по контроверзниот пенал за Бриж: Фудбалот станува непрепознатлив спорт

Гасперини по крајот на мечот нагласи дека фудбалот полека прераснува во непрепознатлив спорт, додека лут беше и Шарл Де Кетелар кој всушност потекнува од фудбалската школа на Клиб Бриж.

– Одлуката беше смешна. Да прашате 100 луѓе кои често гледаат фудбал, сите 100 ќе ви кажат дека тоа не е прекршок за пенал. Судијата беше навистина многу арогантен, не сакаше ниту да ни објасни зошто носи таква одлука, – изјави Де Кетелар.