Трајковски му испрати емотивна порака на Ракитиќ, Хрватот брзо реагираше (Фото)

Иван Ракитиќ денеска официјално ја извести јавноста дека заминува во пензија на 37-годишна возраст, а покрај честитките кои ги доби за сето она што го направи од сите свои клубови, се јавија и голем број соиграчи од неговата долгогодишна кариера.

Еден од нив е и македонскиот репрезентативец Александар Трајковски, кој во завршната етапа од престојот во Хајдук, имаше можност да ја дели соблекувалната со големиот шампион кој некогаш настапуваше за Барселона и Севилја.

– Драг Ракета, денес не е обичен ден бидејќи се означува крај на еден преубаво поглавје во твојот живот. Денеска го напушташ теренот како играч, но со себе го носиш се она големо што со години го даваше: својата страст, својата приврзаност, својата жртва и над се, својата класа на теренот и надвор од него.

– За мене беше привлегија што ја делев соблекувалната изминатава година со тебе. Многу научив, не само како соиграч, туку и како човек. Ме прими како брат и направи се се чувствувам дел од нешто посебно.

– Ти честитам за крајот од кариерата која самиот ја изгради, за целите кои ги оствари и за сите големи моменти кои му ги даде на фудбалот. Денеска престануваш да играш, но никогаш нема да престанеш да бидеш пример за нас. Среќно во се она што те чека, со почит, Алекс, – гласи пораката на Трајковски, на која брза реакција имаше и самиот Хрват.

View this post on Instagram

A post shared by Aleksandar Trajkovski (@alextrajkovski8)