Тоти не исклучува лудо сценарио: Би бил подготвен за два месеци!

Франческо Тоти имаше незаборавно збогување со Рома пред седум години и на 41-годишна возраст реши да стави крај на кариерата, но сега кога се наближува до раситнување на „50-та“, легендарниот капитен на „волчицата“ излезе со изјава која ја шокираше целата јавност.

Поранешниот играч за врска обелодени дека во последно време бил исконтактиран од неколку клуба во Серија А за да се врати на фудбалскиот терен, што дефинитивно би било огромно изненадување и сензација со оглед на тоа што има 48 години.

Сепак, како што вели самиот Тоти, повиците кои ги добил ги разбудиле пеперутките во неговиот стомак и го натерале да размислува на оваа тема, поради што не отфрла сензационален кам-бек на теренот.

– За да можам повторно да играм во Серија А, морам да имам добра сесија на тренинзи. Ќе ви откријам дека во последно време бев исконтактиран од клубови кои се дел од Серија А.

– Тоа се случи минатиот месец и тие ме натераа да размислувам. Знам дека изгледа целосно лудо, но се прашав зошто ме бараат после толку години? Би бил подготвен за игра после два месеци!, – тврди Тоти.