Толедо на емотивен начин се збогуваше со Вардар и Македонија (ФОТО)

Жозе Толедо е еден од играчите кого во наредната натпреварувачка сезона нема да го гледаме во дресот на Вардар.

Тој во Вардар пристигна во 2019 и требаше да биде сериозно засилување, конкуренција на Даинис Криштопанс на десната бековска позиција, но тој мораше да замине на операција и собра многу малку настапи за „црвено-црните“ со тоа што влијание во тоа имаше и коронавирусот поради кој сезоната мораше да биде предвреме завршена.

Бразилецот се сели во Романија во Баја Маре, но Вардар и Македонија дефинитивно ќе му останат во срцето и тоа може да се констатира по неговата емотивна објава, порака за збогум на социјалните мрежи.

-Благодарам многу Република Македонија! Од семејни и приватни причини нема да бидам дел од убавата иднина на Вардар. Би сакал да им се заблагодарам на сите соиграчи што ги имав минатата сезона, на сите кои работеа во клубот и на сите луѓе во Македонија, без исклучок!

-Како и на оваа фотографија, се надевам дека ќе погледнам и ќе се насмевнам кога ќе го видам знамето на Република Македонија и симболот на Вардар на највисоко место на подиумот каде што припаѓа и никогаш не требаше да го нема. Ви благодарам и илјада извинувања што не успеав да го докажам мојот квалитет како што сакав, -порача Толедо.

View this post on Instagram

Благодарам многу Република Македонија ! Por motivos familiares e particulares não serei parte do belo futuro de Vardar. Gostaria de agradecer a todos os companheiros de equipe que tive a temporada passada, todos que trabalharam no clube e à todo o povo da Macedônia, sem exceção! Como nessa foto, espero olhar para cima e sorrir, ao ver a bandeira da República da Macedônia e ao símbolo do Vardar no mais alto lugar no pódio, aonde pertence e nunca deveria ter saído. Obrigado e mil desculpas por não poder demonstrar meu trabalho como queria!

A post shared by José Guilherme De Toledo (@josetoledo10) on Jun 25, 2020 at 12:40pm PDT