Тите застана во одбрана на Нејмар: Не може постојано да прави разлика

Репрезентацијата на Бразил не успеа да го задржи 100 процентниот учинок во квалификациите за мундијалот во Катар, односно првата селекција која им одзема бодови беше Колумбија.

Колумбијците не дозволија да бидат поразени во својот дом (0-0) и со тоа останаа во добра позиција за пласман на СП. Домаќините добро ги затворија сите приоди кој голот, а и го нетрализраа Нејмар кој едноставно не беше на посакуваното ниво и загуби многу топки.

Ова лошо издание на членот на ПСЖ дојде откако тој порача дека планира да ја заврши репрезентативната кариера во Катар со што им даде дополнителен материјал на критичарите, меѓутоа во негова одбрана застана селекторот Тите.

-Нејмар беше добар, како и целиот тим. Можеби од него се очекува да прави исклучителни работи цело време и да прави разлика цело време. Тој е исклучителен играч бидејќи создава исклучителни моменти, но не цело време. Тој е различен играч, тоа го знаеме. Ама денеска беше добро чуван, понекогаш и со двајца играчи, -рече Тите.