Тежок ден за Галијани: Му врачи отказ на Неста и експресно го назначи неговиот наследник (Фото)

Адријано Галијани се најде во непријатна положба да му врачува отказ на својот поранешен пулен од Милан, но фудбалот секогаш ја носи и својата сурова страна, па така легендарниот оперативец му додели „шут-карта“ на својот некогашен стопер во Монца.

Тимот од „Бриантео“ врза серија од четири порази во низа, а бидејќи последната победа на Неста датираше од 21-ви октомври, Галијани реши дека е крајно време да се разделат со легендарниот дефанзивец.

Неста не можеше да пронајде решение за кризата на Монца и како клучен се покажа последниот пораз од Јувентус, по кој клубот му се заблагодари и го ослободи од обврските кои ги има во првиот тим.

Моца замина на божиќните празници како последнопласирана екипа во Серија А со само 10 освоени бода, а кратката зимска пауза ќе биде добар повод за играчите да се запознаат со новиот тренер.

Галијани експресно го назначи наслендикот на Неста, а тоа е уште еден поранешен дефанзивец кој настапуваше во Серија А, Салваторе Бокети.

AC Monza comunica di aver sollevato Alessandro Nesta dall’incarico di allenatore della Prima Squadra.

Il Club ringrazia il tecnico per quanto fatto finora e gli augura il meglio per il futuro. pic.twitter.com/RjgdhmHwBC

— AC Monza (@ACMonza) December 23, 2024

AC Monza comunica che Salvatore Bocchetti è il nuovo allenatore della Prima Squadra biancorossa, con un contratto fino al 30 giugno 2027. pic.twitter.com/rs1x5JtVzw

— AC Monza (@ACMonza) December 23, 2024