Тен Хаг: Бесни сме, треба да бидеме „убијци“ на теренот

Манчестер Јунајтед одново влезе во лоша серија на резултати, па така не успеа да го совлада Кристал Палас, потоа ремизираше соо Твенте во Лига Европа, а во неделата доби лекција од Тотенхем во Премиер лигата.

Овие резултати заедно со играта донесоа критики за екипата и пред се за менаџерот Ерик Тен Хаг, се зголемува притисокот, па и се споменуваат имиња коии можат да го заменат на актуелната позиција.

Холанѓанецот пак останува смирен и верува дека ја има апсолутната поддршка на раководството и останува фокусиран на подобрување на формата почнувајќи од вечерва против Порто во ЛЕ.

-Ние сме бесни, лути на самите себе. Но, од тој бес мораме да најдеме мотивација. Секој е одговорен, но се почнува од мене како менаџер. Имаме лидери на теренот и сега тие мора да исчекорат.

-Создаваме многу шанси, го имаме третиот највисок xG (очекувани голови) во Премиер лигата. Мора да ја подобриме играта во шеснаесетникот. Мораме да бидеме повеќе „убијци“ во таа област. Сигурен сум дека нашите напаѓачи се способни за тоа, -порача Холанѓанецот.