Тедеско е минато, Белгија со нов селектор во дуелите со Македонија

Доменико Тедеско нема повеќе да биде предводник на селекцијата на Белгија, соопшти фудбалската федерација на оваа земја.

Веќе некое време „црвените ѓаволи“ не играа на посакуваното ниво, бележеа резултати под нивното реноме, па Тедеско едноставно висеше се до денеска кога официјално беше донесено одлука за негов отказ.

Тој ја извршуваше оваа функција од 2023 година кога дојде на местото на Роберто Мартинез.

-Секогаш бев горд што сум селектор на „црвените ѓаволи“, заедно постигнавме големи работи. На едно убаво патување, за жал, сега му се ближи крајот. 100 проценти сум сигурен дека репрезентацијата ќе победи против Украина и исто така и дека ќе се пласира на Светското првенство.

-Овој тим се уште е на почетокот на својот развој и ќе предизвикува сензација во наредните години. На играчите, на одличните вработени во федерацијата и на навивачите им посакувам се најдобро од се срце, -порача Тедеско.

Ова значи дека Белгија со нов селектор ќе влезе во дулите со Македонија во квалификациите за СП. Како можен наследник се споменува легендарниот Тјери Анри.