Талаков и Глишиќ станаа „лавови“, Ристиќ потпиша за Пелистер

Македонскиоте фудбалски прволигаши Пелистер и Македонија Ѓорче Петров повлекоа потези и се засилија за престојната натпреварувачка 2025/2026.

„Зелено-белите“ од Битола го обезбедија потписот на 25-годишниот српски интернационалец Петар Ристиќ.

-Голема чест ми е што го носам дресот на Пелистер. Свесен сум што значи овој клуб, и за мене тоа претставува голема одговорност. Подготвен сум да дадам сè од себе и да му помогнам на тимот во остварувањето на заедничките цели. Гледав снимки од последните дерби-натпревари и со нетрпение го очекувам моментот кога ќе играм пред полни трибини, со безрезервна поддршка од навивачката група Чкембари, -истакна Ристиќ за кого ова е прв предизвик надвор од неговата татковина.

Тој во Пелистер доаѓа од  Трајал Крушевац.

Повратникот во елитната македонска фудбалска конкуренција, Македонија Ѓорче Петров ги официјализираше трансферите на Мартин Талаков и Дарко Глишиќ.

Талаков е поранешен младински репрезентативец, играч кој има настапувано во словачка, но и на домашната сцена.

Глишиќ пак е добро познато име, искусен лев бек кој треба да биде сериозна опција за тренерот Грчаров во обидот да се остварат што подобри резултати во сезоната.