Супер зделка на Симеоне: Атлетико доби играч со големо премиерлигашко искуство без да исплати едно евро (Фото)

После Хави Галан, Атлетико Мадрид го претстави и второто летно засилување за новата сезона, а во овој случај станува збор за доста позвучно име, кое сепак клубот не го чини ниту едно евро.

Диего Симеоне заврши добра работа во преговорите и телефонските повици изминатите неколку месеци, па така Чаглас Сојунџу пристигнува гратис на „Метрополитано“ и потпиша четиригодишен договор.

27-годишниот Турчин имаше извонредни изданија во Премиер лигата и беше дел од најдобриот тим во Англија во 2020-та година, па откако беше мета на Атлетико веќе две години, сега конечно дочека шанса да им се приклучи на „душекџиите“.

По испаѓањето на Лестер од Премиер лигата, стана јасно дека Сојунџу нема да игра во Чемпионшип, а фактот што не го продолжи договорот му донесе голема привилегија на Атлетико да го осигура како слободен агент.

Сојунџу пет години играше во елитната Премиер лигата, а во Атлетико пристигнува како големо засилување за стоперските позиции.

🇹🇷 ¡@Syncaglar es nuevo jugador rojiblanco! 🔴⚪

🖊 El internacional turco ha firmado con nuestro club por cuatro temporadas.

➡️ https://t.co/ZGZuAeCTS4

👋 ¡#BienvenidoSoyunçu! 😊 pic.twitter.com/1geYFFLBsg

— Atlético de Madrid (@Atleti) July 5, 2023