Супер викенд за Македонците во Тирана: Георгиевски освои злато, Додевски сребро (Фото)

Македонија се враќа со две големи одличја од силниот таеквондо турнир во Албанија, пред се благодарение на Дејан Георгиевски и Филип Додевски.

Олимпискиот медалист Георгиевски се враќа со злато од „Албанија Опен“ во Тирана откако во финалето го декласираше Иван Трајковиќ од Словенија, но ова не беше единствениот успех за Македонците на Г2 турнирот.

Филип Додевески оствари две победи на патот до финалето во својата категорија, но на крајот загуби од Азербејџанецот Сулејманов со тесен резултат во завршниот меч.

Додевски ќе мора да се задоволи со сребрениот медал, но тоа исто така е голем успех за македонскиот таеквондо тим кој уште еднаш потврди дека на извонреден начин ја претставува нашата земја.