Стив Брус за враќањето на терените на 12 јуни: Играчите ќе паѓаат како кула од карти

Тренерот на Њукасл, Стив Брус е еден од оние кои се противат на прераното враќање на фудбалерите на терените ширум Англија.

Брус вели дека само три недели се премалку за играчите кои имале осум недели одмор за да се вратат во форма.

Со овие зборови на Брус се согласуваат повеќемина од тренерите, но доколку сезоната во Англија продолжи нешто подоцна, нема да има време за истата да заврши до крајот на јули, што е последен датум даден од УЕФА да се комплетираат шампионатите.

– Првата фаза ќе биде главно фитнес подготовки, четири или пет играчи ќе бидат на теренот. Да видиме како ќе оди тоа. Тие имаа осум недели пауза и тоа веројатно за најголем дел од нив е најдолгата пауза која ја имале во кареирата.

– Ако имаме претсезонски подготовки, ќе имавме шест недели за подготовки и веројатно шест пријателски средби за играчите да се вратат на нивото кое го бара фудбалот од ваков карактер.

– Ни треба подолг период за да ги оспособиме играчите. Ни требаат доволно подготовки за да ги вратиме фудбалерите во форма, во спротивно ќе паѓаат како кула од карти на теренот. Повеќето од тренерите се загрижени за ова.

– Ќе ни требаат минимум шест недели. Не гледам како би можеле да играме натпревари до крајот на јуни, -изјави Стив Брус.