Старата гарда ја презема одговорноста кога беше најпотребно, Реал по 11. пат е број еден во Европа

Кошаркарите на Реал Мадрид се освојувачи на пехарот за оваа сезона во Евролигата и тоа откако во драматичното финале во Каунас успеаа да бидат подобри од Олимпијакос со 79-78.

Ова беше дуел во кој видовме како тимовите добиваат по две четвртини, средба во која решеваа нијанси, карактер, играчи од потег кои овојпат ги имаше клубот од шпанската престолнина за 11. пехар во ова натпреварување.

Се некако изгледаше дека Олимпијакос е блиску до трофејот затоа што во последните две минути влезе со предност од 78-72, но Реал е Реал и секогаш игра до крај, влезе максимум, па се појави старата гарда, ветераните кои донесоа драмтичен триумф. Родригез даде пет поени за да во последниот напад топката заврши во рацете на Љуљ кој преку погоди преку Фал за водство од еден разлика.

Грците имаа три секунди, меѓутоа обидот на Слукас беше неуспешен што значеше дека избраниците на Чус Матео се број еден на стариот континент.

Родригез со 15 поени и Таварес со дабл-дабл од 13 кошеви и 10 скокови беа лидери кај Реал, додека залудна за Олимпијакос беше фантастичната партија на Везенков од 29 кошеви и 9 скокови.

Претходно во борбата за третото место Монако беше подобар од Барселона со 78-66.