СРВ: Графитот со Гоце Делчев повторно блеска!

Навивачката група на КК Работнички сериозно си ја сфати задачата, откако во јавноста беа лиферувани повеќе различни информации околу графитот со ликот на македонскиот револуционер Гоце Делчев.

Демантирајќи инволвираност на политиката, денеска на ФБ страницата на „City Park Boys“ се појави информација дека зад реновирањето стојат стојат навивачите на клубот од Градски парк , а претходниот кој бил оштетен од забот на времето, не бил срушен во дневно политички цели.

Освен што го насловуваат како „идеал на повеќе генерации“, навивачите на Работнички имаат и емотивни спомени, кога по осамостојувањето на Македонија компанијата „ГО-ДЕЛ“ беше насловен спонзор на клубот и во тоа време беа освоени голем број титули.