Сити е далеку од шампионски ритам: „Граѓаните“ се спасуваа од пораз на „Селхрст парк“ (Видео)

Последните два месеци покажаа дека Манчестер Сити е далеку од шампионски ритам оваа сезона, па победата над Нотингем Форест дефинитивно не ги решава сите проблеми за Пеп Гвардиола.

Англискиот првак ја прекина ужасната серија од седум меча без победа пред неколку дена, но денеска повторно загуби бодови во Премиер лигата, и тоа на гостувањето кај еден од најслабите тимови до овој период од сезоната.

Кристал Палас како 17-то пласиран го пречека Сити, а успеа да направи напредок од едно место откако освои бод во дуелот со избраницитен а Гвардиола.

Домаќините на двапати водеа и покажаа огромна желба и за цел плен, но сепак гостите на двапати возвраќаа преку Халанд и Рико Луис.

Головите за Кристал Палас ги постигнаа Муњоз и Лакроа, а домаќините во завршницата играа и со фудбалер повеќе на теренот поради исклучувањето на Рико Луис.