Синер падна на земја, па освои сензационален поен против Рубљов (Видео)

Јаник Синер нагласи дека јасна цел му е да одигра што е можно повеќе мечеви на Мастерсот во Синсинати, бидејќи само така ќе успее да ја темпира формата и да достигне највиско ниво на Ју-Ес Опен.

Светскиот рекет број еден не се прослави во Монтреал и загуби од Андреј Рубљов, но сега му се реваншираше на Русинот и успеа да слави со пресврт во три сета.

Италијанецот го пронајде патот до победата и си обезбеди пласман во полуфиналето, но сигурно и кандидатура за поен на турнирот во Синсинати.

При една размена во вториот сет, Синер покажа неверојатна истрајност во поенот, бидејќи успеа да го освои истиот и покрај тоа што се најде на земја.

Јаник го загуби балансот по еден форхенд и с енајде на земја, но успеа брзо да стане и да остане во поенот, за подоцна да испорача неодбранлив удар кој заврши на линијата од полето на Рубљов.

Jannik Sinner FALLS ON THE FLOOR and wins the point against Andrey Rublev.

Exhausting rally.

He literally rolls over on the floor and somehow pulls it off.

Unreal.

pic.twitter.com/2RZALSpyVg

— The Tennis Letter (@TheTennisLetter) August 17, 2024