Силекс и Вардар одиграа возбудливо дерби во Кратово, Каланоски херој за домаќините

Двата заостанати натпревари од 15-то коло во Првата македонска фудбалска лига се одиграа ова попладне во Кратово и Струга, а иако со доста мака, двата домаќините успеаја да остварат триумфи.

Дербито меѓу повеќекратните шампиони Силекс и Вардар не ги разочара фудаблските фанови и понуди навистина содржаен фудбал и многу интересни прилики, па иако условите за игра беа тешки, видовме дури пет гола.

Силекс подобро го отвори мечот, но Вардар беше тој што поведе со голот на Мишковски, но Силекс брзо се погрижи за пресврт и во краток период успеа двапати да го матира Гачевски.

Каланоски во манир на врвен голгетер погоди со глава за 1:1, а потоа го шутираше и пеналот кој првично му го одбрани Гача, но имаше доста среќа и од втора погоди за 2:1.

Вардар се мачеше да наметне темпо во вториот дел и најсериозно се закани од слободен удар во раната фаза на продолжението, а се чини дека голот на Серафимовски за 3:1 беше клучен на денешното дерби.

Поранешниот играч на Вардар не славеше против својот бивш клуб, а до крајот погоди уште Јусуфи кој со неверојатен удар го изненади голманот Андов и ги постави конечните 3:2.

На вториот меч денеска, Струга долго се мачеше против Воска Спорт, но го доби езерското дерби со гол постигнат од пенал длабоко во судиското продолжение (Згуро).