Швајнштајгер: Геце е во најдобрите фудбалски години, се надевам…

Марио Геце ја завршува приказната со Борусија Дортмунд по крајот на оваа сезона, па останува да видиме кој ќе биде неговиот следен чекор во кариерата која дефинитивно е во пад.

Тој блескаше во првата етапа во Дортмунд, направи трансфер во Баерн Минхен, го постигна победничкиот, златниот гол за Германија во финалето против Аргентина на СП во 2014 година, меѓутоа сега е далеку од тој играч и навистина е прашање дали ќе може да пронајде ангажман во клуб кој е врвен и се бори за титули.

-Мислам дека е многу, многу жално. Сите знаеме дека Марио Гоце беше голем талент кога беше помлад. Сега е на возраст од 27 или 28 години, ова се најдобрите години во фудбалот. Не мора да биде најдобриот клуб во Европа, но се надевам дека ќе најде клуб каде што ќе игра, -истакна Себастијан Швајнштајгер.

Легендарниот Лотар Матеус беше директен и му даде конкретен предлог на Марио.

-Ако остане во Бундеслигата, треба да оди во Херта. Оваа идеја има шарм. Тој може да го подобри квалитетот на играта во Херта, -порача Матеус.