Шпанскиот „џокер“ на Артета постигна два гола за победа на Арсенал (Видео)

Микел Артета има огромни проблеми со повреди на клучни фудбалери во пресудниот дел од сезоната, но и во такви услови, Шпанецот засега успева да го одржи чекор со лидерот на табелата, кој од попладнево има четири бодови повеќе од „топчиите“.

Арсенал не изгледаше премногу опасно и возбудливо на гостувањето кај Лестер, но сепак успеа да го пронајде патот до победата и освои важни три бода.

„Топчиите“ се мачеа да го скршат отпорот и да испратат посериозна закана цели 80. минути, а потоа во десет го решија „давеникот“ во Премиер лигата со два голови.

Микел Мерино се покажа како шпански „џокер“ на Артета, бидејќи играчот за врска имаше два допири во шеснаесетникот, а и двата завршија таму кадешто треба.

Мерино најпрво погоди со глава за водство од 0:1 во 81-та минута, по што следеше и центаршут од Тросар и завршница со лева нога за конечни 0:2.

Арсенал со оваа победа продолжува да прави притисок врз Ливерпул, кој сега има четири бодови предност пред натпреварот со Волвс.

Видеото погледнете го ТУКА