Шкупи ја засили одбраната со поранешен талент на Трабзонспор

Вардар е убедливо најактивен на македонската фудбалска сцена на самиот почеток на зимскиот преоден рок, но ова е фаза во која сите екипи ќе се обидат да ги засилат своите редови во пресрет на пролетниот дел од сезоната.

Шкупи оваа вечер ја информираше јавноста дека се засилува со талентиран турски фудбалер кој игра во одбраната, и тоа играч кој е продукт на фудбалската школа на Трабзонспор.

Се работи за 22-годишен фудбалер Емир Јазичи кој ги минал сите возрасни категории на Трабзонспор, а како дете на турскиот клуб, последно настапувал за Кушадасиспор.

Фудбалскиот клуб Шкупи ќе биде прв интернационален предизвик за Јазичи, па ако се суди според договорот (две ипол години), планот му е малку подолго да се задржи во Македонија.

Шкупи во своето официјално соопштение го најавува Јазичи како големо засилување во одбраната, но и потенцира дека целта на тимот ќе биде да се бори за Европа во вториот дел од сезоната.