Шкендија со победа ја отвори новата сезона, Шкупи се спасуваше од пораз против Воска

Екипите на Струга Трим Љум и Шкендија со победи ја отворија новата сезона во Првата македонска фудбалска лига.

Струга во дуелот на актуелниот шампион и актуелниот Куп победник, триумфираше над Тиквеш со 1-0 со гол во самата завршница.

Избраниците на Османи дојдоа до посакуваните три бода со погодокот на Компаоре во 89 минута.

Шкендија пак ја доби пресметката со Беса, новиот член на домашната фудбалска елита. „Црвено-црните“ славеа со 3-1 со головите на Фитон Адеми и Ибраими, Селмани пак погоди за домаќините.

Шкупи пак не ја потврди улогата на фаворит против Воска Спорт во дуелот со шест погодоци. Чаирчани важеа за големи фаворити, но се спасуваа од пораз со голови во 86 и 92 минута за конечни 3-3.

На останатите соочување Пелистер и Гостивар ремизираа во Битола (1-1), додека Работнички го доби Силекс со 1-0.

Последната средба меѓу АП Брера и Вардар е закажана вечерва од 20 часот.