Шкендија неочекувано се раздели со стандарден првотимец (Фото)

Шкендија засега е доста резервирана на трансфер пазарот и најмногу е насочена кон ослободување на играчите кои се прекубројни, но ако заминувањата на Дауда Бамба и Давор Талески беа очекувани, ова денешното е доста изненадувачко.

Клубот од Тетово е претендент за титулата во Првата македонска фудбалска лига и замина на зимска пауза на делба на првото место, па затоа чуди фактот што „црвено-црните“ се откажаа од играч кој беше стандарден во стартната постава.

Ваљон Ахмеди пристигна во Тетово во месец август и по вторпат го обелече дресот на Шкендија, но сега после само пет месеци си заминува од клубот.

Ненајавената вест пристигнува како непријатно изненадување за фановите од Тетово, па останува да видиме дали клубот ќе има реакција и ќе донесе замена во преостанатиот дел од трансфер пазарот.

Ахмеди дојде во Шкендија од редовите на Шахтјор Солигорс, а првиот дел од сезоната го заврши со 13 настапи за првиот тим.