Шампионскиот ген на дело: Бонифасе донесе луда победа за Леверкузен во меч со седум гола (Видео)

Баер Леверкузен доби безброј натпревари минатата сезона во судиското продолжение, но очигледно овој шампионски ген и играњето до последен здив е симбол за тимот на Чаби Алонсо и на стартот на новата кампања.

Волфзбург денеска се покажа како крајно незгоден ривал на „БајАрена“ и водеше во два наврати со 0:1 и 2:3, но сепак на крајот остана со празни раце на гостувањето кај шампионот.

Натпреварот беше отворен со автогол на Мукиеле, Леверкузен направи пресврт со погодоците на Вирц и Тах, но до крајот на првиот дел видовме уште еден пресврт.

Борнау и Сванберг се погрижија за нова предност на Волфзбург, но како многупати досега, момците на Чаби Алонсо го пронајдоа најдоброто во второто полувреме.

Инаку брзо израмни на 3:3, но точка на натпреварот стави Бонифасе во 93-та минута кога Леверкузен нападна со сите сили откако Волфзбург остана со играч помалку на теренот (црвен картон заработи Герхарт).

Видеото од победничкиот гол погледнете го ТУКА