Поврзете се со нас

Германија

Шампионски пресврт на Леверкузен: „Фармацевтите“ губеа до 88. минута, но на крајот славеа победа (Видео)

Објавено

на

Foto:twitter.com/bayer04fussball

Хофенхајм беше на добар пат да ја прекине неверојатната низа од 38 натпревари без пораз на Баерл Леверкузен, но „фармацевтите“ со нов шампионски пресврт стигнаа чекор поблиску до титулата во Бундеслигата.

Тимот на Чаби Алонсо направи неколку луди пресврти и постигнуваше голови во самите завршници од стартот на сезоната, а тоа го повтори и денеска на „Бај арена“.

Хофенхајм се покажа како крајно незгоден противник и Бајер погоди за 0:1 пред крајот на првиот дел, што беше доволно добар предизвик за Чаби и неговите фудбалери.

Леверкузен сериозно напаѓаше и никако не успеваше да го совлада Бауман, но во самата завршница повторно дојде до израз шампионскиот дух на овој тим на Алонсо.

Андрих „поклопи“ една повратна топка во шеснаесетникот и израмни на 1:1 во 88-та минута, а тоа им даде крилја на домаќините кои преку Шик погодија за 2:1 и победа во 91-та минута.

На овој начин, Леверкузен направи уште еден сериозен исчекор кон титулата во домашното првенство, бидејќи пред „Дер Класикер“ дербито меѓу Баерн и Борусија има предност од 13 бода на табелата.

Реклама
Реклама
Реклама

Популарни