Поврзете се со нас

Италија

Се огласи еден од најповиканите по шпекулациите за Локатели: Тој сака да игра во Јувентус

Објавено

на

Изминативе неколку дена фудбалската јавност во Италија е преполна со шпекулации поврзани со иднината на Мануел Локатели кој блеска на Европското првенство.

Играчот од средниот ред се поврзува со трансфер во Јувентус, кој според медиумите е најголем фаворит за потписот на Локатели.

За да го добијат 24 годишниот фудбалер, од Јувентус подготвиле понуда во висина од 30 милиони евра плус младиот романски стопер, Раду Драгушин. Младиот Драгушин се најде на неколку натпревари во сениорскиот тим на Јувентус и според многумина е еден од најдобрите млади фудбалери на Апенините.

Токму неговиот агент, Флорин Манеа во интервју за италијанскиот „Калчомеркато“ истакна дека засега нема ништо од разговори за негово заминување во Сасуоло како дел од трансферот на Локатели.

– Тој сака да остане во Јувентус, не сака да си оди. Има понуди од Англија и Германија, но тој сака да игра за Јувентус. Никој досега не ни се јавил, сета почит до Локатели, но немаме добиено никаква понуда. Му пратив понуда на директорот на Јувентус, а од таму ми кажаа дека нема ништо во врска со тоа.

– Ако Драгушин замине, тоа ќе биде само на позајмица за да добие повеќе минутажа, но негова цел е да остане под договор со Јувентус. Ако Јуве сака тој да си замине, ние ќе најдеме решение, и тоа не мора да биде Сасуоло, -јасен бешеМанеа.

Реклама
Реклама
Реклама

Популарни