Саутгејт за неговата иднина: Нема да…

Герет Саутгејт во последно време се поврзува со премиерлигашот Манчестер Јунајтед каде е посакуван од страна на новиот косопственик, Џим Ретклиф кој во актуелниот англиски селектор гледа идеална замена за Ерик Тен Хаг.

Саутгејт од 2016 е на чело на „гордиот албион“, ама актуелниот договор му завршува во декември и едноставно сите опции се отворени иако засега нема намера да повлекува конкретен потег барем до Европското првенство кое е на програмата ова лето.

-Мислам дека дадов одговор на ова прашања. Мојот фокус е Европското првенство. Ако направам нешто, нод договор, сите ќе велат „Зошто потпишуваш договор пред едно ЕП каде што треба да се докажеш“.  Сигурно нема да зборувам со никој друг предходно.

-Никогаш не сум го направил. Овде сум осум години, не би сакал да зборувам со некој друг додека ја извршувам оваа работа, -порача Герет кој смета дека со ваквите вести се покажува и целосно непочитување кон предводникот на „црвените ѓаволи“, Ерик Тен Хаг.