Само еден италијански тим во топ 10 ранкингот на УЕФА (Фото)

По одиграното финале во Лигата на Европа во кое Ајнтрахт Франкфурт ја освои првата титула во Европа по пауза од 42 години, УЕФА го објави најновиот ранкинг на најдобрите тимови во светот и тоа донесе интересна ситуација во топ 10.

Меѓу десетте најдобри тимови во Европа има само еден италијански тим и тоа доволно говори за актуелниот квалитет и коефициент на Серија А, додека четирите највлијателни тимови од Англија се изборија за доминација на премиерлигашите во овој поредок.

Јувентус е единствен претставник од Италија во топ 10, додека англиски преставници се Ливерпул, Манчестер Сити, Челси и Манчестер Јунајтед. Финалистот во Лигата на шампионите е на второто место според УЕФА, а првото му припаѓа на Баерн Минхен и покрај тоа што испадна од Вилјареал во четвртфиналето.

Реал Мадрид и Барселона се на петтото и шестото место, ПСЖ е седми, а третиот шпански претставник во топ 10 е минатогодишниот шампион, Атлетико Мадрид.

Поредокот на УЕФА се темели на остварениот коефициент и резултати во изминатите пет години во натпреварувања како Лига на шампионите, Лига на Европа и најновата Конференциска лига.