Салиба: Тој е меѓу тројцата најдобри играчи на светот

Арсенал полека излегува од кризата или поточно од периодот кога резултатите и настапите не беа на посакувано ниво, па се губеа бодови во Премиер лигата и сега Ливерпул има сериозна предност во оваа фаза од сезоната.

„Топчиите“ во претходниве денови прво рутински се справија со Нотингем Форест, а потоа и го уништија Спортинг на негов терен во Лисабон, истиот терен каде Манчестер Сити доживеа убедлив пораз во елитното натпреварување.

Овие партиии по репрезентативната пауза носат нова енергија, задоволство кај Арсенал кој сега максимално може да смета на капитенот Мартин Одегард, ас од искучителна важност, играч кој е максимално поочитуван од колегите.

-Мислам дека тој е еден од најдобрите играчи од средниот ред во светот и многу сме среќни што се врати. Ние сме подобри со него, па се надевам дека нема повторно да се повреди. Секако, мораме да уживаме играјќи со него. Можеме да видиме откако тој се врати дека сме подобри.

-Тој е топ три [во светот]. Не сакам да ставам премногу притисок врз него, но мислам дека се првите тројца. Го сакам овој човек. Работеше напорно на теренот, па не сум изненаден што се врати вака, но се разбира, не е лесно кога не си играл четири недели да се вратиш на ова ниво. Не сум во шок, тој е врвен професионалец, -порача Вилијам Салиба.