Руи Кошта: Фернандез не сакаше да остане во Бенфика

Португалскиот гигант Бенфика не успеа да го задржи Енцо Фернандез кој по една вистинска драма воо јануарскиот преоден рок заврши во премиерлигашот Челси.

Бенфика сакаше да го има на располагање Аргентинецот барем до крајот на актуелнава сезона, меѓутоа „сините“ притискаа, притискаа и на крајот го добија тоа што го сакаа, ама во исто време и ја наполнија касата на составот од Лисабон.

Челси плати 106,8 милиони фунти, сума која е нов британски рекорд.

-Енцо не сакаше да остане во Бенфика. Тој не ни даде никакви шанси. Направив се што можев. Тажен сум, но не сакам да плачам за играч кој не сакаше да остане. Кога Челси дојде со понудата, немаше шанси да го смени размислувањето, -истакна легендарниот Руи Кошта кој сега е претседател на Бенфика.

Руи исто така откри дека се обидел овој трансфер да го одложи на лето при што Челси ќе платал помала сума, ама Енцо не сакал да се согласи со ваков договор.