Рубљов режираше откачена прослава по победата во пет сета: Подобро да не сте во мојата глава, тоа е како страшен филм (Видео)

Сосема очекувано, Андреј Рубљов и Алекс Де Минор одиграа возбудлив и израмнет дуел на „Род Лејвер арена“, по кој последен се смееше рускиот тенисер кој успеа да преживее вистинска голгота на оваа пресметка.

Де Минор ја потврди извонредната форма и домашниот миленик беше носен од австралиските фанови на трибините, но дури и така не можеше да го скрши упорниот Рубљов.

Андреј мина низ многу различни емоции во текот на мечот и не ги криеше своите експресии во одлучувачкиот петти сет, па откако направи двоен брејк, режираше откачена прослава со својот јазик.

Истата стана вирална откако победи со 6:4, 6:7, 6:7, 6:3 и 6:0, па после четири часа и 15 минути игра доби прашање од Џим Куриер како е да се биде во неговата глава за време на неизвесен и тензичен меч.

– Подобро да не сте во мојата глава, тоа е како страшен филм, – изјави Рубљов и ја насмеа публиката на трибините.

Следен ривал на Русинот на Аустралијан Опен ќе биде Јаник Синер, младиот Италијанец кој лесно во три сета го совлада Хачанов.

Andrey Rublev’s reaction after getting the double break to lead de Minaur 3-0 in the 5th set.

Completely uninhibited when he’s on the court. 😂

He’s feeling it.

https://t.co/jes9E8AAGV

— The Tennis Letter (@TheTennisLetter) January 21, 2024

'It is best not to be inside my head. It's like a scary movie' 😅

We go into the mind of Andrey Rublev 🧠 during his stunning contest with home favourite Alex de Minaur#AusOpen pic.twitter.com/0JQ0X8AMaY

— Eurosport (@eurosport) January 21, 2024