Рубиалес мина без затвор и доби парична казна за скандалот кој ја стресе Шпанија

Луис Рубиалес го загуби своето место како претседател на шпанската фудбалска Федерација по мундијалот во женска конкуренција, бидејќи тогашниот прв човек на „фуријата“ режираше скандал за време на освоената светска титула.

Шпанките беа најдобри и сосема заслужено го подигнаа трофејот, но за време на прославата, Рубиалес малку се опушти и реши да ја бакне Јени Ермосо.

Шпанската репрезентативка по дадената ситуација реши да го тужи претседателот и целиот случај заврши на суд, па така во изминатите неколку дена се слушаа сите изјави на инволвираните, но и на сведоците на настанот.

Рубиалес веќе извесно време е без работа во Федерацијата, но откако докажа дека немал никаква лоша намера при контактот со својата фудбалерка, судијата процени дека треба да мине само со парична казна.

Фудбалскиот работник мина без затворска казна и ќе плаќа парична казна во наредните 18 месеци, а истата изнесува вкупно 10.800 евра.

Во пресудата исто така се вели дека Рубиалес не смее да и се добложи на Ермосо во радиус од 200 метри, но и дека не смее да има никаква комуникација со репрезентативката во период од една година.