Роналдо го спореди Белингам со фудбалска икона: Ме потсетува на…

Џуд Белингам има само 21 година, а изгледа како да е присутен на големата сцена со години, па тоа е само потврда дека се работи за фудбалер со огромен квалитет, потенцијал да биде лидер, предводник на својата генерација.

Англичанецот прво остави силен впечаток носејќи го дресот на Борусија Дортмунд за да од 2023 го облече дресот на еден од најголемите клубови на светот Реал Мадрид каде експресно се наметна и стана клучен ас во поставата на тренерот Анчелоти.

Сите во Реал се надеваат дека тој уште ќе расте, напредува и дека ќе има уште поголемо, посилно влијание, нешто во што пак е убеден Кристијано Роналдо.

-Многу ми се допаѓа, ме потсетува на Зидан. Белингем е многу млад и ја има целата своја иднина пред себе, ќе му даде многу на Мадрид, -вели Кристијано за „Ла Секста“.