Рино-шоу во Хрватска: Шутираше топки кон „Торцида“ и режираше незаборавни сцени на „Пољуд“

Џенаро Гатузо очигледно го пронајде рецептот за Динамо, бидејќи по остварената победа на „Максимир“ со резултат 1:0, три месеци подоцна славеше со истиот резултат и на дербито кое се одигра денеска.

Хајдук го искористи подобриот влез во второто полувреме и стигна до драгоцени три бода со голот на Сигур, победа која очекувано предизвика ерупција од радост во Сплит.

Навивачите на сплитската гордост знаеја како да се израдуваат на големата победа над лутиот ривал, но огромна помош во славеничкото сценарио добија и од Гатузо.

Рино имаше свое шоу по последниот судиски свиреж и режираше незаборавни сцени на „Пољуд“, бидејќи покрај страста и емоциите кои ги покажа, реши да подари и неколку топки на најверните навивачи.

Гатузо рогна три топки кон „Торцида“ и го разубаве победничкото расположение во Сплит, епилог по кој Хајдук има седум бода предност во однос на Динамо во битката за титулата, во која активна е и Ријека која е на минус три од актуелниот лидер.