„Рекорд“: Баерн во пол-позиција за гол-машината која ја посакуваат низа премиерлигаши

Баерн Минхен како клуб стандардно прави планификација за наредната сезона уште неколку месеци пред почетокот на истата, особено кога се во прашање круцијални операции на трансфер пазарот.

Баварскиот великан се обидува рамномерно да ги распредели финансиите и обично не се залетува со големи трансфери пред да направи целосна анализа, но сепак праксата покажа дека и челниците на Баерн Минхен знаат да го одврзат ќесето кога е потребно да се направи такво нешто.

Последен таков доказ беше ангажманот на Хари Кејн од редовите на Тотенхем, а последните информации велат дека баварците подготвуваат нешто слично со уште еден елитен голгетер кој е топ тема во Европа веќе неколку месеци.

Виктор Ѓекереш се поврзува со неколку англиски премиерлигаши и се верува дека Манчестер Јунајтед би имал предност налето поради Рубен Аморим, но сега угледниот „Рекорд“ уверува дека Баерн Минхен ќе биде клубот кој ја има пол-позицијата.

Добро информираниот португалски медиум известува дека Баерн го ставил Швеѓанецот на прво место на својата летна трансфер листа, па веќе неколку недели има скаути во Португалија кои ги следат сите настапи на првиот голгетер на Спортинг Лисабон. „Рекорд“ додава дека Баерн како клуб веќе вопоставил и иницијални контакти со агентите на фудбалерот, се со цел да подготват терен за потенцијален трансфер налето.
Баварците