Реал соопшти најлоши можни вести еден час по победата над Осасуна (Фото)

Тоа што можеше да се намириса по вознемирувачките крици кои одекнаа на „Сантијаго Бернабеу“, за жал доби официјална потврда еден час по натпреварот во Мадрид, каде стоперот Едер Милтао си нанесе огромна штета по едно неправилно движење.

Неприродната положба на коленото веднаш го вклучи алармот и стана јасно дека се работи за сериозна повреда, но 60 минути по победата над Осасуна остварена со резултат 4:0, Реал Мадрид како клуб потврди дека станува збор за најлошото.

Милитао пропушти најголем дел од минатата сезона поради кинење на предниот вкрстен лигамент на левото колено, а сега се поизгледно е дека нема да го гледаме до крајот на оваа по резултатите од лекарските прегледи.

Реал Мадрид информираше дека Милитао сега го скинал предниот вкрстен лигамент на десното колено, со тоа што нанел штета и на двата менискуси.

Во вакви ситуации, операцијата која ќе му биде направена ќе биде уште посложена, па Бразилецот најверојатно ќе паузира измеѓу осум и девет месеци.

Повреди на натпреварот против Осасуна заработија и Родриго и Васкез, па Реал како клуб дополнително ќе објави соопштение за нив во текот на вечерта, или најдоцна утре.

Parte médico de Militão. #RealMadrid

— Real Madrid C.F. (@realmadrid) November 9, 2024