Ракометарките загубија од Полска на ЕП во Црна Гора

Македонската женска ракометна репрезентација до 19 години го претрпе вториот пораз на Европско првенство што се одржува во Црна Гора.

Нашите млади девојки вчера беа надиграни од Унгарија со 38:21, додека денеска од селекцијата на Полска со резултат 28:18. Направивме премногу технички грешки на ова соочување, противникот уште од самиот старт наметна свое темпо, ние постојано бевме во негатива и едноставно не успеавме да дојдеме до подобар резултат.

На пауза имавме минус три (11-8), меѓутоа во вториот дел паднавме и одбранбено и тоа придонесе да забележиме нов пораз со двоцифрена разлика.

Трпеска со четири погодоци беше најефикасна македонска ракометарка. Во третото коло од групната фаза играме со Чешка која во првото коло ја преслуша Полска со 30:24.