Поврзете се со нас

Италија

Раиола обелодени зошто Халанд не потпиша за Јувентус

Објавено

на

Ерлинг Халанд имаше брилијантна полусезона во дресот на РБ Салцбург, едноставно беше незапирлив и ги тресеше мрежите во секое натпреварување во кое играше со „биковите“.

Со ова тој го привлече вниманието на сите големи клубови, се водеше вистинска битка за неговиот потпис за да на крајот бундеслигашот Борусија Дортмунд излезе како победник и денеска едноставно трие раце со оглед на тоа што Норвежанот блеска и во нивниот дрес.

Една од опциите за Халанд пред да заврши во Германија беше калчолигашот Јувентус, опција која била избришана поради една работа.

-Зошто Халанд не се пресели во Јувентус? Затоа што тие ќе го ставеа во екипата до 23 години, -истакна Мино Раиола кој го застапува 19-годишниот голгетер.

Ерлинг во Дортмунд има учинок од 13 голови и 3 асистенции на 12 натпревари.

Реклама
Реклама
Реклама

Популарни