Рафиња го постигна најбизарниот гол во поновата историја на ЛШ, Барселона победи во трилер со девет голови! (Видео)

Бенфика и БАрселона го одиграа натпреварот на сезоната во Лигата на шампионите, и тоа во исклучително тешки и лоши временски услови во второто полувреме.

Лисабонскиот гигант им создаде огромни проблеми на избраниците на Ханси Флик и со хет-трикот на Павлидис имаше предност од 3:1 по првите 45 минути, но каталонскиот великан не се откажа и успеа да се врати и да режира пресврт за паметење.

Покрај трите гола на Павлидис и двете почетнички грешки на Шчесни, првото полувреме го одбележа Левандовски со гол од белата точка, а Полјакот беше прецизен реализатор и на вториот пенал кој беше досуден за гостите во второто полувреме.

Пред да дојде до тоа, Рафиња со помош на голманот Трубин го постигна најбизарниот гол во поновата историја на Лигата на шампиони, бидејќи Бразилецот постигна гол со глава без да има намера за такво нешто.

Лошото исфрлање на Трубин од главата на Рафиња заврши во мрежата на Бенфика, па Барселона дојде на само гол негатива. Тоа не траеше долго поради фактот што Араухо си постигна автогол во 68-та минута, но Барса не се откажа и во оваа ситуација и до крајот успеа да се избори за пресврт.

Левандовски со вториот пенал намали на 4:3, Ерик Гарсија беше играчот кој израмни на 4:4, додека длабоко во судиското продолжение, Рафиња со својот втор гол ги псотави конечните 4:5 во 96-та минута.

Бизарниот гол на Рафиња погледнете го ТУКА