Работнички им се врати на поразите, МЗТ имаше полесен тренинг

Во моментите кога се чинеше дека Работнички влезе во ритам, тимот од Градски парк доживеа ново непријатно изненадување и го претрпе четвртиот пораз во десеттото коло, овојпат од тимот на Феникс 2010.

Малото градско дерби донесе по едно полувреме за двата тима, но Феникс беше подобар во клучните моменти и на крајот запиша третата победа во низа, прекинувајќи ја серијата од три триумфи кои ја имаа „центарци“.

Работнички водеше со 48:43 на полувреме и се чинеше дека го диктира темпото на оваа средба, но продолжението беше отворено со доминација на гостите, кои до крајот на третиот период обезбедија двоцифрена предност.

Разликата од 11 поени се покажа како недостижна негатива за кошаркарките во црвено-бели дресови, па на крајот Феникс оствари победа со резултат 79:87.

За разлока од Работнички кои им се врати на старите навики, МЗТ имаше полесен тренинг и со 61:96 го декласираше тимот на Вардар.