Првпат по 28 години: Нема да се одржи традиционалниот Охридски пливачки маратон

Традиционалниот Охридски пливачки маратон оваа година нема да се одржи, а причината за тоа е пандемијата на коронавирусот.

Ова значи дека за првпат по 28 години нема да се одржи овој значаен и добро препознатлив настан кај нас, меѓутоа здравјето е пред се, односно вирусот спречи продолжување на традицијата.

-Пливачка федерација на Северна Македонија (ПФСМ), како активен член на Светска пливачка федерација (ФИНА) и единствена надлежна за пливање и далечинско пливање во нашата Држава, Ви соопштува дека овогодинешните официјални интернационални пливачки маратони од светска серија за 2020г, (Традиционален Охридски Пливачки Маратон 25км, и олимписка дисциплина 10км) НЕМА да се пдржат, поради светска пандемија (Ковид-19) и едногласно откажување на целокупната ФИНА светска серија за 2020г во светот, почитувајќи ги препораките на Светска Здравствена Организација- СЗО за превентивна медицинска и здравствена заштита на спортисти- пливачи, тренери, организатори и публика.

-ПФСМ и ФИНА посакуваат пред се, многу здравје на сите спортисти и спортски работници, професипнална работа за што поскоро да уживаме на нови официјални пливачки натпревари. Воедно Ве информираме дека за 2021г, ПФСМ, Охрид и нашата држава, согласно одлука од ФИНА ќе бидат домаќини покрај на овие два пливачки маратони (25км – 21.08.2021г, и 10км- 28.08.2021г) од ФИНА- светска серија, и на повеќе реномирани официјални пливачки натпревари во пливање и далечинско пливање, со единствена цел Охрид да прерасне во еден од три светски центри за пливање и далечинско пливање,-велат од Пливачката федерација на Македонија.