Првиот човек на Серија А најави револуција: Ќе бидеме први во Европа

Серија А доживеа подем во последните неколку години и за првпат гледавме пет италијански претставници во Лигата на шампиони, но откако дојде до промена на гарнитурата во врвот, новиот претседател на организацијата сега планира да го однесе натпреварувањето уште едно ниво погоре.

Ецио Симонели како нов претседател на Серија А има за план првенството да добие уште повеќе на маркетишки план со привремена преселба во друга земја, односно со одиграни неколку рунди на територија на САД.

Човекот кој го наследи Лоренцо Казини во месец декември има за цел да го однесе италијанскиот фудбал во Америка, па последната посета на Њујорк ја искористил за да најави еден амбициозен план и своевидна фудбалска револуција.

Националните Купови од топ пет лигите веќе се играат во арапските земји, но засега никој не се осмелува да го пресели домашното првенство надвор од своите граници поради сложеноста да се

– Бев избран за претседател пред два месеци, а не е чудо што една од првите земји кои ги посетувам е САД. Ќе имам состаноци со неколку локални претставници, Америка е пазар на кој навистина многу сметам во иднина.

– Имаме девет американски газди и еден Канаѓанец во Серија А, бев избран од тие луѓе и според мене нормално е да се фокусираме на американскиот пазар. Продуктот кој го нудиме е убав и докажан и имаме проект да се играат натпревари во Америка. За да се случи тоа, ќе треба да добиеме зелено светло од италијанската Федерација, но навистина веруваме во такво сценарио и веруваме дека можеме да бидеме први во Европа со таков потфат, – објаснува Симонели.