Познати се термините за турнирот во Струга, Пелистер ќе се соочи со домаќинот на отварањето (ФОТО)

Од 16 до 20 август ќе се одржи 50 издание на турнирот во Струга, турнир на кој освен домашни екипи ќе учествуваат тимови од Словенија, Грција и Словачка.

Организаторите ги објавија термините за битките на истиот, па така турнирот ќе биде отворен на 16 август со дуелот меѓу домаќинот Струга и вицепрвакот Еурофарм Пелистер закажан за 17 часот.

Потоа од 19 часот Вардар ќе се соочи со Алкалоид, а првиот ден ќе биде затворен со пресметката меѓу Бутел и Целје.По три средби имаме и наредните три денови за да на 20 август на игралиште „Горан Попоски Бабец“ видиме четири соочувања од кои најважно е финалето кое ќе се игра од вечерниот термин од 21:15 часот.