Познати се казните за инцидентот на мечот меѓу ТФТ и Чаир

Новата сезона во Првата македонска кошаркарска лига се уште не е започната, но во подготвителниот период за истата бевме сведоци на сериозен инцидент на средбата ТФТ и Чаир која се одигра во СРЦ Кале, средба која не го дочека крајот.

Тепачка на пријателски меч: Навивачи на Чаир го нападнаа капитенот на ТФТ (ВИДЕО)

Се случи тепачка во која беше вклучен капитенот на домаќините Едис Нури и навивачите на гостите, инцидент за кој кошаркарската федерација најави дека ќе има санкции, казни кои денеска беа изречени од страна на комесарот Александар Милојевиќ.

ТФТ како домаќин е олеснет за 30.000 денари и наредните две средби ќе ги игра пред празни трибини. Нури е санкциониран со два натпревари, додека пак Наумовски поради фрлање на предмет кон публиката ќе паузира еден меч.

Чаир ќе плати 48.000 денари и три натпревари ќе игра без публика.

Казна заработи и делегатот на оваа средба, Антонио Теофиловски, кој доби забрана за вршење на должноста на две средби поради „несовесно и неуредно извршување на дложноста.