Поврзете се со нас

Европски првенства

Потег на денот: Грилиш дочека шанса во стартната постава и му одговори на Саутгејт со маестрален технички квалитет (Видео)

Објавено

на

Џек Грилиш вчера за првпат доби шанса во стартната постава на Англија и мора да се напомене дека маестрално одговори на довербата од Герет Саутгејт, кој сега ќе има тешка задача да бира и да го остави на клупата во осминафиналето на Европското првенство.

Жозе Мурињо и цела англиска јавност правеа притисок и потенцираа дека Грилиш мора да добие место во стартните 11, па фудбалерот на Астон Вила одговори на ова со асистенција за победа против Чешка, но и еден технички квалитет кој го привлече вниманието и на УЕФА.

Грилиш како фантастичен техничар има одлична контрола на топката и најдобро се чувствува со неа во своите нозе, а вчера со својот исклучително добар прием се погрижи да го видиме потегот на вечерта на Европското првенство.

Офанзивниот фудбалер одигра 67 минути против Чешка и понуди навистина доста позитивни детали на теренот, кои сега селекторот Саутгејт ќе мора да ги земе во предвид пред почетокот на нокаут фазата на континенталниот турнир.

Реклама
Реклама
Реклама

Популарни