Последниот круг на Роси во Мото ГП не ги остави рамнодушни ниту Роналдо, Пирло, Буфон, Федерер и Надал (Видео)

Возачите на Дукати доминираа на последната трка во сезоната која се возеше во Валенсија, но по крајот на истата, сосема очекувано во прв план се најде Валентино Роси кој замина во пензија.

„Докторот“ ја извозе последната трка во својата кариера на местото кое не го памети баш по убави спомени во кариерата, но и покрај се, неговиот последен круг во Мото ГП предизвика бура од емоции на трибините, но и меѓу големите Мото ГП фанови и останатите ѕвезди од останатите сфери во спортот.

Последниот Мото ГП танц на Валентино ќе остане во сеќавање и за историја, а денешната трка ја заврши како десетопласиран и влезе во поените.

Во официјалниот телевизиски пренос, експресно се јавија многу познати ѕвезди од спортот, па меѓу првите за блеската кариера му честитаа „Феноменот“ Роналдо, Пирло и Буфон, но и Федерер и Надал како две големи тениски имиња.

Роси остави неверојатна трага во овој спорт и ќе биде идол на многу идни генерации, а кариерата ја завршува со седум титули во Мото ГП и вкупно девет во сите категории.