Португалија го доби пиринејското дерби и обезбеди место во четвртфиналето на СП

Селекцијата на Португалија излезе како победник од соседската битка со Шпанија на Светското првенство, победа од 35:29 со која официјално е обезбеден билет за четвртфиналето на шампионатот.

Португалците играат квалитетен турнир и тоа уште еднаш го потврдија во пиринејското дерби на кое во првиот дел губеа и со четири разлика, но на пауза заминаа со минимална негатива од 16:15. По паузата Португалија беше далеку подобра, Шпанците немаа одговор за нив во одбраната и со 20 дадени голови во тој период се изборија за огромно славје, Топ 8 на 29. ракометен мундијал.

Кошта со осум гола беше најефикасен, додека кај Шпанија Фернаднез постигна шест. Воедно на „црвената фурија“ ќе и треба вистинско чудо за да дојде до место во нокаут фазата.

Инаку дуелот Шпанија-Португалија го судија најдобрите светски судии Славе Николов и Ѓорѓи Начевски.

Во истиот термин, ама од групата 4 се одигра пресметката меѓу Аргентина и Зеленортските острови која им припадна на „гаучосите“со 30-26.