Поврзете се со нас

Англија

Поранешен тренер на Баерн во игра за наследник на Клоп на „Енфилд Роуд“

Објавено

на

foto: twitter.com/LFC

Ливерпул допрва ќе треба да го реши најважното прашање во пресрет на наредната сезона, а тоа е наследникот на Јирген Клоп.

Германскиот стручњак ќе стави крај на престојот на „Енфилд Роуд“ по крајот на актуелнава сезона, неговото заминување ќе остави голема друпка и кој и да го замени нема воопшто да му биде лесно да го води клубот и притоа да има добри резултати.

Во јавноста постојано фигурираат одредени имиња, во еден период Чаби Алонсо важеше за прв фаворит, меѓутоа Шпанецот се реши да остане на „Бај Арена“ во Леверкузен.

Сега најмногу се споменува Рубен Аморим од Спортинг, но и тој демантираше дека засега има било каков договор со премиерлигашот. Со оглед на тоа што прашањето е отворено „Дејли Мејл“ вклучи уште еден стратег што е изненадување затоа што се работи за Нико Ковач.

Хрватот неодамна заработи отказ од бундеслигашот Волфзбург, претходно не се прослави во Монако, имаше турбулентен период во Баерн кој заврши со отказ, а во својата досегашна тренерска кариера има работено уште во Ајнтрахт Франкфурт и во хрватската репрезентација, сениорската и онаа до 21 година.

Реклама
Реклама
Реклама

Популарни